Tameɣra n Yennayer 2966 di Wehran

https://www.facebook.com/photo.php?fbid=154963565354557&set=g.613216248721269&type=1&theater

Thegga-d tiddukla tadelsant Numidya n wehran, yiwen wahil d amerkanti ilmend n tezrigt tis-11 n tfaska n yennayer 2966 s lmendad n tneɣlaft n yedles, aseqqamu unnig n timmuzɣa, lwilaya n wehran, aseqqamu aɣerfan n wilaya APW, aseqqamu aɣerfan n tɣiwant APC, tanmehla n waddal d ilemẓyen DJS, tanmehla n yedles n wehran.

https://www.facebook.com/photo.php?fbid=1549632152021265&set=g.613216248721269&type=1&theater

Ahil i d-thegga aseggas-a tiddukla Numidya, d win i d-yugmen seg waṭas n taɣulin, si 13 lwilayat n tmurt, ansi i d-ruḥen yemttikkiyen, am yal aseggas tiɣremt n midyatek n wehren tcebbeḥ-d s inebgawen-is i d-yeglan s myal ṣṣenɛa d tɣawsa, tcebbeḥ am teslit akken ad tmager anekcum n useggas amaziɣ ajdid, taqendurt, aẓref, afexxar, tifelwitin, tiẓerbiyin, mačči d yiwet n tɣawsa a d-yader win i d-yezzin i temzikent.

Ass amenzu d Amhad 07 Yennayer 2016 :

https://www.facebook.com/photo.php?fbid=1281251811900823&set=g.613216248721269&type=1&theater

ugar ɣef temzikent yeddan 3 wussan si 09 n ṣṣbeḥ ar 6 tmeddit ,

https://www.facebook.com/photo.php?fbid=1281251791900825&set=g.613216248721269&type=1&theater

asunẓu n tfaska i d-yellan s iḍebbalen d terbaɛt n qeqabu, akk s tilin n igensasen n tedbelt n temdint n wehran i d-yezzin akk i tɣemmar n tfaska. Awal n usunẓu n tfaska sɣur uselway n tidduka Numidya akk d imassayen n tedbelt n wehran.

https://www.facebook.com/photo.php?fbid=1549632105354603&set=g.613216248721269&type=1&theater

Tameddint d asarag-askasi i tessermed Massa Ferruǧa usmer, akk Mass Ḥamid Bilek, M.Hassan Halouane akk d Mass Yusef Merraḥ. Deg wexxam ilemẓiyen n Belgayed  d timlilit n tmedyezt, ssyin  truḥ              terbaɛt seg yemttikkiyen d imassayen n tfaska d tiddukla Numidya rzan s axxam n twacult At weɛrab Ssaɛid anda i tbedd Nna Mekyusa akk d terbaɛt n tlawin i uheggi n seksu n Yennayer, am yal aseggas, aseggas-a wesḥissef d ameqqran i nufa amɣar n baba-s n Nna Mekyusa di sbiṭar yuḍen ad nedɛu Rebbi a s-d-yazen ḥellu, u ad iḍewwel di leɛmer-is, akken akk tawacult Nna Mekyusa teldi-yaɣ-d tiwwura n wexxam s unecreḥ. Ad iketter Rebbi di tmital-is.

Ass wis-sin n Sem 08  Yennayer 2016 : d ass n tmeɣra

ṣṣbeḥ d tuffɣa n imettikiyen ar teɣremt n Bay, ssyin d tiwin n seksu seg wexxam n At weɛrab ssaɛid ar tzeqqa n Midyatek, asečči n seksu i medden merra,  Karnaval n Ayrad d terbaɛt iḍebbalen, akk d qerqabu .  asezri n tmucuha s tmaziɣt, taggara ad tekfu s tmeɣra n iḍebbalen. Ar yiḍ a d-tili temlilit d axemmem ɣef yimal n tfaska n Yennayer deg wexxam n ilmeẓyen n Belgayed yakk d temlilit tanaẓurt.

Ass wis-tlata n Sed 09  Yennayer 2016 :  

ṣṣbeḥ d tuffɣa n imettikiyen ar Santa Kruz, tameddit d amezgun akk d terbaɛt n Tiwrirn si larebɛa at iraten, s tceqquft « Muḥend u ceɛban » di tzeqqa umezgun n wehran, tameddit tanaẓurt deg wexxam n ilmeẓyen n Belgayed yakk d temlilit tanaẓurt, ssyin ad tendeh tikli ar lezzayer ssyin ar ssṭif, d tikli i d-ihegga useqqamu unnig n timmuzɣa akk d tneɣlaft n yedles si 10 ar 13 yennayer 2016.

Ahil yettkemmil di tesdawit n wehran  akk d yeɣrem n inalmaden n Belgayed si 13 ar 15 Yennayer 2016.

Taggara n yermad ad tekfu s tmeɣra n ccna ass 15 Yennayer 2016 di tzeqqa n ssaɛada